Page 90 - Сахаайа Ермолаева Тыыннаах ырыа

ключается в том, чтобы уменьшить последствия коррупции,
снизить ее влияние на отношения между чиновниками и
гражданами... Условиями, способствующими совершению
коррупционных преступлений являются бесконтрольность
со стороны вышестоящего руководства, низкий уровень
кадровой и воспитательной работы... Стремление отдельных
граждан использовать неправомерные рычаги для удовлет­
ворения своих интересов путем подкупа чиновников, дачи
взяток и т.п.»
2. «Кыым» хаһыат, 06.02.14. «Кэччэгэй баай туһунан са-
наалар». Пантелеймон Дарбасов, Дьокуускай. «Өксөкүлээх
Өлөксөй «Кэччэгэй баайа» үчүгэй киһи дуу, куһаҕан дуу? Бу
айымньы 100-кэ сыллааҕыта суруллубута. Кини, кэччэгэй
эрээри, сүрэҕэ суоҕун, уоруйаҕын... туһунан биир да тыл
этиллибэт... Билшгҥи өйдөбүлүнэн ыллахха, сүнньүнэн
үчүгэй киһи. Арыгыны амсайбат, табаҕы таппат, пиибэ-
ни испэт. Өксөкүлээх Өлөксөй кэмигэр итинник баайдар
аҕыйахтар этэ. Ол үрдүнэн норуоттарыгар чопчу туһаны
аҕалбыт баайдар бааллара. Холобура, Өймөкөөн атыыһыт-
баайа Кривошапкин тус бэйэтин харчытынан (бюджеттан
буолбатах) хас да улууска оскуола арыйбытын, тутуу бөҕөтүн
ыыттарбытын билэбит.
Оттон билигин сахаҕа баай киһитэ элбээтэ. Бу дьон төһө
оскуоланы, оҕо саадын, кулуубу, маҕаһыыны туттардылар?
Уопсайынан, бар дьонноругар тугу көмөлөстүлэр? Бу баай­
дар хара үлэни толорон байбыттара буолуо дуо?
Ааспыт быыбар саҕана (2013 с.) мин дьонтон: «Киһи
тоҕо дьокутаат буолуон наһаа баҕарарый?» диэн ыйыт-
тахпына: «Уораары, онтон атын туох буолуой? Дьокутаат
буолан сууттан-сокуонтан куотаары, мунугуур үрдүк хам-
наһы ылаары, 100-нэн тыһыынчалаах биэнсийэни ананаа-
ры» диэн хоруйдууллар.
Онон Өксөкүлээх Өлөксөй «Кэччэгэй баайын» үөҕэр-
битигэр, аныгы бэйэбит баайдарбытын билиэххэ-истиэххэ,
тэҥнээн көрүөххэ баара. Суобастара хайдаҕый?»
3. «Саха сирэ» хаһыат. 20.02.2014. «Биэтэс Билээхэп кэп-
сээнэ». «Быйыл Муомаҕа, Дьааҥыга, онтон да атын хотугу
улуустарга аһылыгы, уматыгы, таҥаһы-сабы таһыы былаана
тоҕунна. Сылын ахсын да кэриэтэ итинник буолар. Потолога
суох баһырхай хамнастаах өрөспүүбүлүкэ чунуобунньуктара
ити иэдээни билбэтэҕэ буолаллар, билэр да буоллахтарына
айахтатан бэрт. Билбэтэҕэ буолаллара кинилэргэ барыыстаах.
Манныгы норуот хаһааҥҥа диэри тулуйуохтааҕый?..»
88