Page 85 - Сахаайа Ермолаева Тыыннаах ырыа
P. 85
Манньыакка маарынныыр туораахтар
Тулабар ыһылла көтөллөр.
Бэл диэтэр, уйалаах тураахтар
Оҕону биһиктээн көрсөллөр.
Сап-саҥа музейга киирэрдии,
Уот сахта өмүрүүм-соһуйуум.
Омунум оргуйан киирэр дии!
Дьиктини тэбиэстэн хоһуйуум!
Араас өҥ эргэтэ-саҥата
Арылыс гыммахтаан тиһиллэр.
Көтөрүн-сүүрэрин саҥата
Чаас ахсын сонуннук иһиллэр.
Кэрэтиэн күн үрдүү ойуута,
Сибэкки тэрбэччи тыллара!
Киэҥ хонуу оһуора-ойуута —
Күн санаам ырыатын тыллара.
Эргиччи барыта элэккэй!
Сайылык буруота тыргыллар.
Үүнүүлээх ходуһа нэлэккэй
Ньууругар от-уйгу тардыллар.
Үргүбүт кулуннуу, үрүччэ
Бөтөрөн’ ойуолаан ылбахтыыр.
Чэгиэнтэн-чэбдиктэн үөрбүччэ,
Күөл түөһэ өрүтэ тыыммахтыыр.
Санаабар, сардаана бэлэхтии,
Атынан Манчаары ойутта.
Бу — икки өрүттээх бэлэх дии...
Омуммун илдьит тыал сойутта.
* * *
Төттөрү ыҥырда куоратым!
Уордьана килбэҥниэ түөһүгэр...
Быраһаай, күөрчэхтээх суоратым!
Ойобун охсуһуу үөһүгэр...
л*
83
