Page 242 - Дүпсүн сирэ

Тоҕой кыргыһыытыгар «Хорсунун иһин» мэтээлинэн нарраадаламмыта, гвар­
деец этэ. Кини сэриилэспит чааһа империалистическай Японияны үлтүрүтүүгэ
эмиэ кыттыбыта. Илин уонна Арҕаа икки улахан сэриигэ сылдьан баран, биир да
бааһа-үүтэ суох үс бойобуой мэтээллээх дойдутугар этэҥҥэ эргиллэн кэлбитэ.
Суот-учуот өтгүгэр уһулуччу дьоҕурдаах буолан, өр сылларга холкуоска бухгал-
терынан, ревизионнай хамыыһыйа председателинэн үлэлээбитэ. Иккитэ кэргэн-
нэммитэ, сэттэ уоллаах, алта кыыстаах, 48 сиэннээх. Мэхээлэ Сокуонньукап 1971
сыллаахха лоп курдук 50 сааһыгар сылдьан хомолтолоохтук өлбүтэ.
Алта уолаттарын сэриигэ атаарбыт Биэккэ Мэхээлэтэ уолаттарын аһыйан
өйө-төйө суох буола сыспыт. Түүн аайы түһээн, түлэкэдийэн уолаттарын
кытта тэбис-тэҥҥэ суостаах өстөөҕү өлөрсөн, ыһыытаан-хаһыытаан, сороҕор
ыллаан-туойан дьиэтээҕи дьонун сүгүн утуппат буолбут. Оҕонньор иэйэхситэ
оҕолорун өстөөх буулдьатыттан көмүскээбит буолуохтаах диэн дьон кэпсии-
рэ. Айылҕаттан айдарыылаах, иэйэхситтэрин кэлэппэтэх үтүө дьон хаһан да
өлөн-охтон биэрбэттэр эбит. Биэккэ Мэхээһин алта уолаттара советскай армия
фроннааҕы чаастарыгар сылдьан, тустаах иэстэрин чиэһинэйдик толорон, төһө
даҕаны элбэх уордьаннарынан, мэтээллэринэн наҕараадаламмыттарын иһин,
Ийэ дойдуларын көмүскэлигэр кыттан, сэрии ыар сүгэһэрин санныларыгар
сүксэн, сырҕан баастанан төрөөбүт дойдуларыгар тыыннаах төннүбүттэрэ,
эйэлээх олоҕу салгыы тутуспуттара.
Василий Федорович Сивцев, тыыл, педагогической үлэ ветерана
Мүрү саһарҕата. — 1994.

13. Сэрииттэн эргиллибэтэх ини-биилэр

Н ик иф оровтар
Сэмэн, Ылдьаа уонна Ньукулай сэрииттэн төннүбэтэхтэрэ. Аччыгый уол
Николай Иванович Никифоров икки Кыһыл Сулус уордьанынан, бойобуой
мэтээллэринэн наҕараадаламмыта. Кенигсберг куораты штурмалааһыҥҥа ге-
ройдуу охтубута. Семен Иванович Никифоров Пушкин аатынан националь-
най библиотекаҕа кылаабынай бухгалтерынан үлэлии олорон сэриигэ барбыта.
Арҕааҥҥы фроҥҥа сэриилэһэ сылдьан өлбүтэ. Илья Иннокентьевич Никифо­
ров төрүкү ыарыһах киһи, фроҥҥа тиийбэккэ сылдьан ыалдьан өлбүтэ.

Гоголевтар
Үс бырааттыы Дьөгүөр, Миитэрэй уонна Охонооһой Гоголевтартан убай-
дара Егор Афанасьевич Гоголев, сэллик ыарыыта көбөн, дойдутугар эрдэ кэ-
лэн баран, сотору өлбүтэ. Дмитрий Афанасьевич Гоголев, Чараҥай оскуола-
тыгар учууталлыы олорон, армияҕа ыҥырыллан баран эргиллибэтэҕэ. Ханна
сэриилэспитэ, өлбүтэ биллибэт. Аччыгый бырааттарын Афанасий Афанасье­
вич Гоголевы, үлэлии сырыттаҕына, саҥа сааһын туолаатын кытта армияҕа
ыҥырбыттара. Чита уобалаһыгар Даурия бөһүөлэгэр ыалдьан өлбүтэ.

238