Page 439 - Дүпсүн сирэ

Дүпсүн сириттэн Аҕа дойду сэриитигэр баран кыргыһыы толоонугар, кыайыы
туһугар тыыннарын толук уурбут буойуннар, дойдуларыгар тыыннаах төннүү
дьолун билбит кыайыы саллааттарын, суту-курааны кытта охсуһан, күнү-түүнү
тэҥнээн, фронтан кэлэр «хара суруктар» кутурҕаннарын санныларыгар ыар
сүгэһэр оҥостон, харахтарын уутунан суунан, санааларын чэпчэтэн үлэ бөҕөнү
үлэлээбит тыыл үлэһиттэрэ-холкуостаахтар ааттарын-суолларын, олохторун-
охсуһууларын сурукка-бичиккэ тиспитэ. Биир да өлбүт, тыыннаах умнул-
лубакка, олоҕун кылгас остуоруйата суруллан, хаартыскалара хомуллан, Албан
аат саалатыгар мунньуллан тураллар. Кырдьаҕас учуутал биир дойдулаахтарын
ааттарын үйэтиппит ытык үлэтэ, кэнчээри ыччаты төрөөбүт дойдуга таптал
тыыныгар, олорон ааспыт өбүгэ дьонноругар ытыктабыллаах сыһыаны, кини-
лэр ааттарынан киэн туттуу санаатын иитэ туруо.
Марфа Ивановна Ховрова

Учуутал үөрүүтэ
... Оскуола 100 сааһын туолбута биир сыл буолбутун кэннэ, кэргэммин На­
дежда Алексеевнаны кытта тиийбиппитигэр, оскуола үөрэх чааһын сэбиэдис-
сэйэ Анастасия Николаевна Ушницкая истиҥник-эйэҕэстик көрсүбүтэ. Кини
оччолорго эдэр учуутал эрээри, хайыы-үйэ республикаҕа киэҥник биллэн, Саха
АССР үтүөлээх учууталын үрдүк аатын сүгэн сылдьара. Кырдьык, оскуолаҕа
иитэр-үөрэтэр үлэни барытын Анастасия Николаевна иилээн-көҕүлээн ыыта-
ра, сана кэлбит учууталларга сыаната биллибэт үтүө сүбэлэри биэрэрэ.
Билигин ол наставникпыт пенсияҕа олорорун истэбит, нэһилиэгэр, улууһугар
улахан авторитетынан туһанарын билэбин. Оскуолабыт директора Иван Степа­
нович Колодезников салайааччы буолан ананан төрөөбүт киһи этэ. Дьиппиэн
майгыта, өйдөөх тыла, оскуола хаһаайыстыбатын бары өттүнэн таба корон са-
лайара уурбут-туппут курдук оҥоһуллара. Иван Степанович кэлин эмиэ Саха
АССР үтүөлээх учуутала буолбута, салайааччы быһыытынан дьоҕурдааҕа бил­
лэн, ССКП Уус Алданнаа!зы райкомун секретарынан үлэлээбитэ. Куоракка
миигин көрүстэҕинэ: «Тоҕо эрдэ биһигиттэн барбыккытый, оссо тиийин», —
диирэ.
Кырдьан сааһыран иһэбит. Ол эрээри эдэр сааска иллээхтик, биир өйүнэн-
санаанан үлэлээбит коллективкын хаһан да умнубаккын. Начальнай кылаас-
тарга үлэлиир Михаил Владимирович Фёдоров, историк Дмитрий Андреевич
Иванов кэлин, бастакыта, Саха АССР, иккиһэ, РСФСР оскуолаларын үтүөлээх
учууталлара буолбуттара. Чахчы педаготическай үлэ маастардара этилэр. Дмит­
рий Андреевич уруок былаанын хайдах он орорбор сүбэ биэрэрэ, конспектарын
көрдөрөрө, куорат сонунун үллэстэрэ, уопсай билэр дьоннордоох буоламмыт
культура, наука эйгэтигэр үлэлиир доҕотторбутун ахтыһарбыт. Кини уола Олег
мин Сашабын кытта биир кылааска үөрэнэллэрэ, табаарыстаһаллара. Оттон
Михаил Владимировиһы кытта саас кус ыта киирэрбитин, дурдаҕа бииргэ оло-
рорбутун билиҥҥэ диэри ахтабын. Үтүө дууһалаах, мааны киһи буоллаҕа. Эл-
379