Page 106 - Элэс Боотур Бүөтүр Оҕотоойоп

106 П. В. ОГОТОЕВ

Эргэнэ хара тыа эҥэрдээх
Иэйэхсит бииһэ иэнигийэр,
Айыы аймаҕа арҕастар,
Сэттэлээх сиэр сылгы
Сиэллээх кутуругун
Силэйэ-бурайа баттаабыт курдук
Сэһэҥҥэ киирбит
3490 Симэхтээх-дьэрэкээннээх
Сиэги дьаҕыл аартык
Силэллэн түһэр эбит.
Бу өлөрсүүлээх, үлүгэрдээх
Өлүү дойдутун
Өйдөөн -дьүүллээн көрдөҕүнэ:
Тоҕус уон тоҕус
Толуу бухатыыр
Тоноҕоһун уҥуоҕа тутулуктаах,
Отут улуу бухатыыр
3500 Ойоҕоһун уҥуоҕа хараҕалаах,
Дэриэспэ таас муосталаах,
Сымара таас сыҥаһалаах,
Кыыс дьахтар
Кыа хаана кырааскалаах,
Уолан киһи
Субай хаана садырыыннаах,
Сурахтаах бөҕө суураллыбыт,
Ааттаах бөҕө алдьаммыт,
Эттээх бөҕө эймэнийбит,
3510 Сындааһыннаах бөҕө сындалыйбыт,
Быһый бөҕө бытаарбыт,
Бөҕө бөҕө мөлтөөбүт,
Түөстээх бөҕө түҥнэстибит,
Сүһүөхтээх бөҕө бүдүрүйбүт,
Уохтаах бөҕө уҕарыйбыт,
Усталаах бөҕө умсубут,
Эҥинэ бэйэлээх
Иин курдук иҥнэстибит,
Ааттаах даҕаны
3520 Аан курдук алдьаммыт,
Үтүө бөҕө үөрэҕэстэммит,
Бэрт бөҕө бэттибит,