Page 17 - Элэс Боотур Бүөтүр Оҕотоойоп

ылыргы быралыйбыт дьыл
Былдьаһыктаах мындаатыгар,
Урукку уларыйбыт үйэ
Охсуһуулаах уорҕатыгар,
Эргэтээҕи эстибит үйэ
Этиһиилээх эҥээригэр,
Дьиримниир, мичиҥниир
Угуйар уоттаах сулустаах,
Мунаары гыммыты булларар
10 Мунаа маҥан ыйдаах,
Өлөөрү гыммыты өрүһүйэр
Үтүө үрүҥ күннээх,
Дуйдаах иһити
Умсары уурбут курдук
Көҕөрөн-наҕаран
Күлүмүрдээн көстөр,
Улаҕата-унуоргута биллибэт,
Кэмэ-кэрдиитэ көстүбэт
Киҥкиниир киэҥ халлаан
20 Кистэлэҥ кириэппэһэ буолбут
Алын өттүгэр
Сир-халлаан тардыһыытынан
Көй салгыҥҥа көтөҕүллэн
Күлүмэхтик көтөрө көстүбэт,
Эргийэр кииннээх,
Иирэр илбистээх
Оһоллоох орто түһүлгэ дойдуга —
Арҕаһыттан тэһииннээх,
Аһыныылаах санаалаах,
30 Амарах сүрэхтээх
Айыы-хаан аймаҕар
Айыы-хара адаҕыйа илигинэ;
Босхо бастаах,
Бокуйар сүһүөхтээх,
Буор куттаах
Бороҥ урааҥхайга
Муҥ-сор
Буулуу илигинэ;
Оһоллоох олохтоох,
40 Иирээннээх мэйиилээх,