Page 20 - Элэс Боотур Бүөтүр Оҕотоойоп

1 8 П. В. ОГОТОЕВ

Дьэрэлийэн, дьэргэйэн
Кестер эбит.|
Бу улаҕата биллибэт
Улуу халлаан анныгар
Ойон тахсар күннээх,
Ойоҕолоон устар ыйдаах
Орто түһүлгэ дойдуга
Хайдахтаах сир
Хайҕалга киирбит,
130 Төһө үтүө дойду
Туругуран, тупсан
Турар эбит диэн
Төгүрүччү корен турдахха,
Хомураҕы хоннорботох
Холбороҥ маҕан хонууларын
Холбоон-хоһуйан эттэххэ:
Кыраһыабай кыыска холоонноох,
Кылдьыылаах харахтаах,
Кырааскалаах тумустаах,
140 Кылбаҕаркаан түүлээх,
Кынатын төбөтүгэр
Кыптыый кырадаһынын курдук
Кыырпах-иирпэх харалардаах,
Кутуу көмүс хотоҕойдоох,
Кырыйыы көмүс кынаттаах,
Тардыы көмүс табыталлаах,
Кынталлыбыт быһыылаах,
Кырыымпалыыр куоластаах,
Кыҥкынастай ырыалаах,
150 Кытай сирэ кыстыктаах
Кыталык кыылым
Кыырай маҥан халлааны
Кырсынан кырыйа кетен,
Кытыытын булан,
Кынтас гына түһэн,
Кыһыл үөнү кытаахтаабакка
Кыҥкыначчы ытаабыт,
Кыырпаҕы сыһыарбатах,
Кыраһаны түһэрбэтэх
160 Кыйдама маҥан