Page 21 - Элэс Боотур Бүөтүр Оҕотоойоп

1 9

Кырдаллаах эбит.
Туундара тумара тойоно,
Дьойуо хара тумустаах,
Дьондоллубут унуохтаах,
Суптуллубут быһыылаах
Субан туруйа кыылым
Саха киһи
Саманнык буолуо диэн
Сабаҕалыы саныыр
170 Сытыы маҥан халлаанын
Саҥа өттүнэн
Тоҕус түүннээх күнү мэлдьи
Тура көтөн
Тулатын булан,
Дьондос гына түһэн,
Токур үөнү тоҥсуйбакка
Лоҥкуначчы хаһыытаабыт
Тобураҕы тохтоппотох
Туналытта маҥан
180 Толоонноох эбит.
Бу абыр-табыр аатырбыт
Ааттаах алаас
Араҕас таалатын,
Ачатын-синньэтин
Адыылаан, анааран көрдөххө:
Сүүрүк аты
Сүһүөх быһарынан
Сүөгэй тураҥнаах,
Аллаах аты
190 Атах баайарынан
Араҕас илгэлээх,
Дьоруо аты
Тобугунан охсуллар
Локуора күөх от торолуйбут,
Сэлиик аты
Ньилбэгинэн эриллэр
Сирэм күөх от сириэдийбит,
Аллаах аты
Атаҕын ааһар
200 Ача күөх от