Page 22 - Элэс Боотур Бүөтүр Оҕотоойоп

2 0 П. В. ОГОТОЕВ

Аҥаарыйбыт эбит.
Силигин ситэрэн эттэххэ:
Сиэркилэ уулаах,
Сиибиктэ оттоох,
Сирэм күөх кырыстаах,
Өрөөбөт өтөннөөх,

Кэрээбэт КЭҔЭЛЭЭХ,
Барбат бараахтаах,
Быстыбат быллырыыттаах,
210 Бүппэт быйаҥнаах,
Кыһына суох
Самаан сайын сатыылаабыт,
Саргы дьаалы салаллыбыт,
Санаа да сиппэт
Салаҥ үтүө сир
Сайгыйан турар эбит.
Ол олус үтүө дойду
Отун-маһын
Ойуулаан-оһуордаан
220 Уустаан-ураннаан эттэххэ:
Тыала да суохха
Тылыбырыы турар
Тэлибирэс-илибирэс сэбирдэхтээх
Тэтиҥ мастардаах.
Халаатаан саҥарар
Хатын дьахталлар
Ханна эрэ бараары
Харыһыктаах таҥастарын хаттанан
Хаҥкыр-иҥкир кэпсэтэ
230 Хаамсан ханалдьыһан иһэллэрин курдук
Хампа ньаассын
Хатыҥ мастар
Ханыылаһан үүммүттэр.
Тойон дьоннор
Тула мустан тус-туспа,
Туту эрэ толкуйдуу
Туралларын курдук,
Хагдарыйары бил бэт,
Хараҥа күлүктээх
240 Харыйа мастардаах.