Page 25 - Элэс Боотур Бүөтүр Оҕотоойоп

Төгүрүччү көрөн турдахха:
Аҕыстаах- сэттэл ээх
Атыыр сылгылар
Үөрдэрин былдьаһан охсуһаары
Дьохсооттоһо туралларын курдук
Тоҕус туорай маҥаас
Тумуллардаах эбит.
Итии-куйаас тыыннаах,
Илгэ-быйаҥ эркиннээх
330 Эҕэрдэлээх илин өттө
Харта халдьаайылаах,
Бырта бырааннаах,
Сыа сыырдаах
Үргүнньүк үрүйэлээх,
Үс үрүмэтийбэт
Үүт көлүйэлэрдээх эбит.
Ол үрүт өттүн
Өйдөөн көрдөххө:
Кылдьыылаах симэхтэрэ
340 Кылыгырыы налыспыт,
Туналҕаннаах туһахталара
Толоон унуортан
Туналыйан көстүбүт,
Субуллар суһуохтара
Сүрэхтээҕи эрэ сүүдүппүт,
Куба курдук куоҕалдьыспыт,
Кыталык курдук кынталдьыспыт
Кыраһыабай кыргыттар
Үөрэ-дьүөрэ үкгээн
350 Үөрэ-көтө
Үҥкүүлээн күөгэлдьиһэн
Үөмэхтэһэн эрэллэрин курдук
Хамныы-имнии турар
Хатыҥ мастар
Ханыылаһан үүнэн
Хаарыаннаах-харыһыктаах
Халыҥ тыа буолбут.
Ол илин өттүгэр
Дьэрэкээннээх этэрбэстээх
360 Дьэллик тонус оҕолоро