Page 46 - Элэс Боотур Бүөтүр Оҕотоойоп
P. 46
44 П. В. ОГОТОЕВ
1160 Өһөгөй ааҕа,
Хоммут уоһун хомунан
Хом санаатын хостуу,
Хатан дьыбарга хаһыытыы-ыһыытыы,
Ыар сынааҕын ыллаҥнатан
Ырыа ыллаан кылыһыта,
Тойук туойан доллоһута,
Саҥа саҥаран сатарыта
Субу курдук диэн
Суо-ньаҕыдыйа турда.
Элэс Боотур
1170 «Дьиэ буо! Дьиэ буо!
Үрдүк мэҥэ халлаан
Үрүт өттүгэр
Үтүөмсүйэн үөскээбит
Үтүө бэйэлээхтэр,
Алын өттүгүтүгэр баары
Аахайбат гына
Алаа буолбуккут,
Орто түһүлгэ дойдуга
Урааҥхай удьуоругар
1180 Улуу бухатыыр
Олохсуйан олорорун
Улахан бэйэлээхтэр буолан
Улаатымсыйан быһа сытыйан,
Олох да улахаҥҥа уурбат
Быһыыл ааххыт,
Киһи баар диэн
Киирэ сылдьыбатыгыт.
Баччааҥҥа диэри
Биллибэккэ олорон баран,
1190 Киирэр күннээх буоллаххытына —
Үнүү-батас аһылыга гыныам,
Үрүҥ күҥҥүтүттэн сүтэриэм.
Өлөргүтүн-өһөргүтүн
Утуйарга холообот буоллаххытына —
Быта да сорунумаҥ,
Бэдиктэр», — диэтэ.
