Page 49 - Элэс Боотур Бүөтүр Оҕотоойоп

ЭЛЭС БООТУР 4 7

Элэс Боотур

«Дьиэ буо! Дьиэ буо!
Уһун күн уонна уларыйар
Уу долгун санаалаах,
Уу-ньамаан саҥалаах,
Уҕалдьы тыллаах,
1280
Улаан ньуурдаах,
Уһаты уллуҥахтаах,
Уу харахтаах,
Уй истээх
Урааҥхай удьуорун,
Уһугунан дугуммут,
Ортотунан курдаммыт,
Уолутунан тыыммыт,
Оройунан көрбүт
Омун-төлөн урдустара,
1290 Бэрт былдьаһымтыа бэдиктэрэ,
Ат уйбат
Албан-дьоһун ааккытынан ачыаһыран,
Соноҕос сылгы
Сүүрэн сиппэт
Суон-модун сураххытынан суодуйан,
Улахан бэйэлээхтэр буолан,
Улаатымсыйан, улуутуйан,
Киһи баар диэн кэлэн
Кэс тылгытын кэпсээбэтигит.
Кэлэйэн киэр хайыһан баран,
1300 Кэлэр күннээх буоллаххытына,
Кырбаан кулугур кулгаахтыам,
Таһыйан тараах иэнниэм.
Кэлэ да сорунумаҥ,
Килбиэннээх сирэйгитин киртитиэм,
Кэрэдэхтэр», — диэтэ
Түмүллүбүт түмүк санаатын
Таһыгар таһааран,
Дьэ арыый уоскуйда,
Уҥа оронугар киирэн
Олорунан кэбистэ.
1310 Ус балыстара

Үһүөн иннигэр кэлэн
Ытыы-ытыы
Ыллыы турдулар.