Page 54 - Элэс Боотур Бүөтүр Оҕотоойоп

54 П. В. ОГОТОЕВ

Кулан буурҕалаах,
Мунурун булларбатах
Муус кудулу байҕал
Улуу дьаалыга тиийээт,
1460 Үс балыстарын үһүөннэрин
Үс аҥы илгэн кэбиһээт,
Муус кудулу байҕалга
Төбөтүн оройунан түстэ,
Ус түүннээх күнү мэлдьи
Таастыы тимирдэ.
Төрдүс күнүгэр
Күн күөрэйэ тахсыыта,
Хаарыаннаах убайбыт
Ууга түһэн өллө диэн
1470 Балыстара барахсаттар
Ытаһа олордохторуна,
Убайдара обургу
Уордайыы бөҕөнү уордайбытынан ■'
Суос-соҕотохто
Күөрэс гына түстэ да,
Балыстарын баттахтарыттан
Холбуу хомуйа харбаат
Арҕааҥы аргыардаах, алдьархайдаах
Араҕас сабыдыал халлаан
1480 Алын кырыытын диэки
Буугунуу-буугунуу
Буута быстарынан
Быыппаста турда.
Үс күннүктээх сиргэ тиийэн,
Ү ҥүүтүн-батаһын
Өргөһүн-кылаанын
Өрө гына
Батары анньыталаан баран,
Баай тиит
1490 Кылаан чыпчаалыгар
Тииҥ курдук
Тигинээн тахсан
Сымнаҕас сиринэн
Үҥүүтүн уһугар
Үөлүллэ түстэ.