Page 78 - Элэс Боотур Бүөтүр Оҕотоойоп

7 8 П. В. ОГОТОЕВ

Тэлэкэччийэн тахсан,
Чэлгиэннээх чигдитин
Килэрийэр киинигэр
Кэлэрин кэтэһэн,
Харсаары гыммыт
Аҥаарыма атыыр оҕус курдук
2400 Тууллан-туоллан турда.
Абааһы уолун
Аҥаарыйар ааттааҕа
Аан ийэ дойдуну
Атыйахтаах уу курдук дьалкыһытан,
Туруу бараан дойдуну
Тордуйалаах уу курдук долгулдьутан,
Ый быыһа
Ытыс таһынар
Ыас хараҥаны түһэрэн,
2410 Уордаах этиҥ нүксүүрдэнэн,
Сааллар чаҕылҕан дапсыырданан
Кутаа уот куйбуурданан,
Сири-дойдуну
Сиэх курдук
Сиэрэ уотунуу
Сирдьигинии көтүтэн,
Хатааһын чолбонун курдук
Хараҕын уота
Ус курдуулаах уот кустук буолан
2420 Таҥнары субуллан
Түһэн иһэр эбит.
Үрдүк тиити
Төргүү мутугунан,
Кыра тиити
Кылаан чыпчаалынан холобурдаах
Күлүк хара киһи
Тутум атахтаах
Луо бээгэй,
Тоҕус сиринэн
2430 Туос ала,
Күрдьүгэс тараах
Күрүҥ дьүһүннээх,
Уон былас