Page 123 - Олоҥхо биһигэр

төгүрүктэр тоҕо кырыс тарпатахтарын. Эдьиийим Матрена Петровна
«Тылбыйахтаах» алаас буолуо диир. «Кылааса, өйдөөн көрөн кэбис, бу
эн аҕаҥ Сэмэн алааһа», — диэн аҕам Семен Григорьевич бас билэр
Эһэлээх диэн алааһын отоннуу сылдьан көрдөрбүтэ. Эһэм ахсааны
түргэнник төгүллүүрэ, ол иһин оскуолаҕа үөрэнэ сылдьан төгүл таб-
лицатын үөрэппэккэ киниттэн үгүстүк ыйытарым.. Эһэбит баарына
Таҥара бырааһынньыктарын барытын бэлиэтиирбит, Ороһуостубаҕа
хайаан да бэрэски, атын бырааһынньыктарга алаадьы, эт сиирбит.
Онон Таҥара күннэрин кырабытыттан билэрбит. Сири-уоту аһатары,
бэлэх-туһах биэрэри эмиэ киниттэн үөрэммиппит. Мэлииппэни
ыллыырын, олоҥхолуурун олус сөбүлүүрүм, мэлииппэ бүтэһигэр
уһуннук «Аминь» диэн тардан ыллыыра истэргэ үчүгэй этэ. Ары-
гыны испитин өйдөөбөппүн, ымдаан утахтаах буолара. Эһэбит биэс
уонтан тахса хос, хос-хос сиэннэрдээх, кинилэр өссө да элбиэхтэрэ.
Кини аатынан Бүөтүр, Бүөтүккэ, Күөх Бүөтүккэ диэн хас да сиэн,
хос сиэннэр эһэлэрин олоҕун салгыыллар.
Канаимва К.С.,
П.С.Олесов-Куөх Буөтүккэ сиэнэ
2003 с.

1.6.20. ААТЫРБЫТ ЫРЫАҺЫТ
Сивцева Екатерина Васильевна-Чаҥычай кыыһа Дүпсүн
улууһугар Тэбиик нэһилиэгэр төрөөбүтэ. Кини аҕата Сивцев Васи­
лий Васильевич II Өспөх нэһилиэгэр Бааскап-Белолюбскай баайга
иитиллэн хамначчытынан сылдьыбыта. Бу баай ииппит уолун Баһы-
лайы маанытык таҥыннаран баран, Найахыттан Гоголев Харалаам-
пый диэн киһи кыыһын Огдооччуйаны кэргэн ылларбыта уонна
хамначчыт оҥостубута. Советскай былаас буолбутун кэннэ Кэтириис
аҕата Тэбиик нэһилиэгэр көһөн тахсыбыта уонна Нидьили диэн
сиргэ олохсуйбута. Кинилэр соҕотох оҕолоро Сивцева Е.В. буолар.
Улаатан баран Сивцев Петр диэн киһиэхэ кэргэн тахсыбыта уонна
түөрт оҕону төрөппүтэ :
1. Сивцев Яков Петрович-Үргэл Дьаакып
2. Сивцева Мария Петровна-Бөкчөгөр Маайа
3. Сивцева Марфа Петровна, Дьокуускайга Михайлов диэн
киһиэхэ кэргэн тахсан, биэс оҕону төрөтөн баран Аҕа дойду сэриитин
саҕана өлбүтэ.
4. Сивцева Марина Петровна, 73 саастаах, Бээдигэ кыыһыгар
Босикова Мария Сергеевнаҕа олорор.
Чаҥычай кыыһа кыра эрдэҕиттэн ыллыыр дьарыктаах эбит.
Дүпсүн баайа Никифоров Василий Васильевич Екатерина II туһунан
туойтаран, нууччалыы тылбаастатан, ыраахтааҕыга ыыппыт. Ол
ырыата хайҕанан ыраахтааҕыттан кыһыл көмүс хаппаах кэлбитин:
«Хараҕым дьолугар көрдөр эрэ», — диэбитин Белолюбскай баай ойоҕо

119