Page 119 - Олоҥхо биһигэр

олоҥхону истэ иликпин. Дьоннор хайгыахтарын хайгыыр талааннаах
олоҥхоһуттара буоларын онно өйдөөбүтүм. Посельскай М.Н. биир
күтүөтэ ыалдьан эрдэ өлөн, биир күтүөтэ тапсыбакка арахсан ба­
ран, төрөппүт икки кыргыттара ыалдьан өлөннөр, сиэннэрин атын
сиргэ иитиэххэ биэрэннэр, кинини көрөн-харайан аһатар-иитэр
аймаҕа суоҕунан республикатааҕы социальнай харалта министер-
ствота Охотскай Перевозка инбэлииттэр дьиэлэригэр ыыппыттара.
Нэһшшэк салалтатын дьаһалынан биир киһини сирдьит биэрэннэр,
1964 сыл сайын дойдутуттан букатыннаахтык барбыта. Онон биһиги
нэһилиэкпит талааннаах чулуу олоҥхоһута Посельскай М.Н. көмүс
унуоҕа Алдан өрүс үрдүнээҕи Охотскай Перевозка көмүллэн сытар.
Оччотооҕу кэмҥэ биһиги күнүстэри-түүннэри мунньаҕы уонна
үлэни өрө туппут, олоҥхону, сахалыы тойугу аанньа ахсарбат са-
лайааччылар этибит. Өссө ити өттүгэр наһаа оҕуннахха буржуазнай
националистар диэхтэрэ диэн куттанар, туттунар да этибит. Биирдэ
даҕаны суолта биэрэн кинини кытта истиҥник кэпсэппэтэхпин,
бэйэтэ айбыт олоҥхолорун саатар ааттарын ыйыталаһан суруйан
хаалбатахпын билигин дьэ кэлэн кэмсинэбин, билиим, культурам
намыһаҕын билинэбин. «Аҕа дойдуну көмүскүүр сэрии бүппүтүн
кэнниттэн (сылын чуолкай өйдөөбөппүн) композитор Марк Жир­
ков, норуот айымньытын суруйааччы Сэһэн Боло уонна да атыттар
хаһыа да буоланнар, I Курбуһах нэһилиэгэр Уус Күөлүн бөһүөлэгэр
гахсаннар, хонон-өрөөн олороннор норуот айымньытын хомуйбуттар.
Онно Михаил Никитиһы ыҥыттаран олоҥхолоппуттар уонна бэйэтэ
айбыт олоҥхотун суруйан барбыттар» диэн II Курбуһах нэһилиэгэр
«Толоон Эбэ» колхозка производствоҕа үлэлии сылдьаммын, Уус
Күөлүгэр киирэн тахсыбыт дьоннор кэпсээбиттэрин истибиппин
чуолкайдык өйдүүбүн. Онон норуот айымньытын хомуйбут архыыпка
Посельскай М.Н. олоҥхолорун булуоххутун сөп.
И.И. Аммосов
Уус Куөлэ, 1993 с.

1.6.19. ЭҺЭБИТ ТУҺУНАН ӨЙДӨБҮЛБҮТ
Биһиги эһэбит, Олесов Петр Саввич-Күөх Бүөтүккэ нэһилиэк
хаһаайыстыбаннай кинигэтигэр 1865 с. төрөөбүтэ диэн сурулла сыл-
дьар. Бииргэ төрөөбүт төрдүөлэр да, биһиги кырабытыгар балта Мария
Саввична Пухова диэн сүрдээх уус тыллаах, элбэх оҕолоох кырдьаҕас
эдьиийбитин билэрбит. Оччотооҕуга Дэрги диэн бэйэтин сайы-
лыгыгган кып-кыһыл сатыын халадаай ырбаахылаах, санныгар тиийэ
түһэр түгэхтээх ытарҕалаах, үчүгэй оҥоһуулаах алтан кириэстээх
эмээхсин биһиэхэ кэлэр буолара. Доргуччу улаханнык, ыпсаран-
хопсорон сонуну кэпсиирин биһиги арахсыбакка истэр, кэрэхсиир
буоларбыт. Эбэбит Ефросинья Михайловна Никифорова муосчут
Никифоров Дмитрий Михайлович-Дабайааҥкы бииргэ төрөөбүт балта

115