Page 129 - Олоҥхо биһигэр

Сивцева М.П. «ийэм аата үйэтийиэ буоллаҕа», — диэн туох баар
күүһүн түмүнэн кэпсээбитэ «Марыына уола Захар Сергеевич Босиков
Сунтаарга Кириэстээххэ управляющайдыы сылдьан 1992 сыллаахха
олунньуга миэхэ ыыппыт суругуттан: «Оҕо сылдьан ийэбит кэп-
сиирин аһара чуумпура сытан истэрбит. Абааһылааҕы кэпсээтэҕинэ,
куттанаммыт суорҕан иһигэр ийэ-хара көлөһүммүт барыта түһэрэ,
бандьыыттааҕы кэпсээн киирэн бардаҕына, билигин ытыалаһа ба-
рыах дьон курдук өгдөҥнөһө сытарбыт. Ол быыһыгар ийэбит эбэбит
хоһоонноруттан, ырыаларыттан манныгы өйдөөн хаалбыппын диэн
кыратык быһыта тардан ааҕыталаан биэрэрэ.
Санаан көрдөххө, ийэбит эбэбититтэн, Кэтириистэн кыра тугу
эрэ бэриһиннэрбитин сатаан туһамматах, сайыннара сатаабатах. Ол
биричиинэтинэн хас да оҕо төрөөн баран өлүүтэ, бастакы кэргэнэ ууга
түһэн суорума суолланыыта. Иккис кэргэнэ эмиэ эрдэ өлөн, элбэх
кыра оҕолор аҕата суох тулаайах хаалбыттара буолуон сөп».
Чулуу ырыаһыт — Сивцева Екатерина Васильевна өлөөрү сытан
эппитэ үһү: «Мин оҕолорум оҕолоруттан, эбэтэр сиэннэриттэн мин
ааппын ааттатар киһи төрүөҕэ», — диэн.

И. Ушницкай
Эдэр саас. — 1994. — Кулун тутар 7 к.

1.6.22. ОЛОНХОҺУТ КӨСТӨКҮҮН
Хороҕо иккис биллэр олоҥхоһутунан Бурцев Константин Наза­
рович этэ. Кини аҕам бииргэ төрөөбүт быраата, убайым, 1895 сыл­
лаахха төрөөбүтэ, үөрэҕэ суох. Былыргы, Новгородов алфавитынан
бэйэтэ сылдьан иһэн ханныктык эмэ ааҕар, суруйар буолбута. Уһун
куохайбыт моойдоох, киэҥ таныылаах, оҕо сутуругун курдук бол-
чойо сылдьар хабарҕалаах, үрдүк уҥуохтаах сула киһи. Хастааҕыттан
саҕалаабытын билбэппин, өйдүөхпүттэн олоҥхоһут. Колхоз тэриллиэр
диэри кыстык уонна сайылык өтөхпүтүгэр мэлдьи бииргэ олорбуппут.
1930 сылтан ыла тус — туспа олорор буолбуппут. Тыа оскуолатын
бүтэриэхпэр диэри олоҥхолуурун элбэхтик истибитим. Дьукаах оло­
рор кэммитигэр ытыктыыр, быһа гыммат хоноһолоро баалларыгар,
ордук Мүрүгэ күһүшгү муҥха кэмигэр, онтон да атын үөрүүлээх
киэһэлэргэ кыһын устата хастыыта да дьиэтигэр олоҥхолуура.
Олоҥхолуохтааҕа эрдэттэн иһиллэр, биллэр быһыылааҕа, сырыы аайы
киһи балачча элбэх буолааччы. Ардыгар ыалларга ыҥырыллара. Мин,
биллэн турар, батыһарым.
1930 с. иннинэ биһиэхэ үс сыл устата субуруччу кураан сайын-
нар буоланнар, бурдук кэмчитик үүммүтэ. Ол саҕана, сылын чопчу
өйдөөбөтүм, Намҥа сиэмэҕэ олоҥхолуу киирэ сылдьыбыта. Хатыҥ
Арыы нэһилиэгэр Өлөксөөндөрө Сиипсэп диэн киһиэхэ үксүн
маһынан уһаммыт, ол быыһыгар чугас ыалларга олоҥхолообут этэ.

125