Page 139 - Олоҥхо биһигэр

1.6.27. ПЕСТРЯКОВ ВАСИЛИЙ ПЕТРОВИЧ
( 1 8 8 6 - 1 9 6 4 )

Пестряков Василий Петрович 1886 сыллаахха Бороҕон улууһугар
I Курбуһах нэһилиэгэр дьадаҥы кэргэҥҥэ төрөөбүтэ. Кини төрөп-
пүттэрин курдук эдэр сааһыттан сүөһү ииттинэн, сир оҥорон бурдук
ыһан, үүннэрэн уонна булдунан дьарыктанан иитиллэн олорбута.
Саха сиригэр советскай былаас олохтонон колхозтар тэриллибит
кэмнэригэр, 1931 сыллаахха I Курбуһах нэһилиэгэр «Кыһьш хардыы»
колхозка киирбитэ. Саас бурдук ыһыытыгар, сайын от, бурдук хомуу-
ругар, кыһынын Харалаайыга кыстыыр сирдэригэр хотон тутан субай
сүөһүлэри кэргэнинээн көрөн-харайан, кыстатан сыл таһаараллара.
Аз}а дойдуну көмүскүүр Улуу сэрии сылларыгар, сут-кураан ыарахан
кэмнэргэ, от үүммэккэ атын ыраах оройуоннарга көһөн оттооһуҥҥа,
колхоз сүөһүтүн кыстатыыга дьулуурдаахтык, кыайыылаахтык
үлэлээбитэ. Колхоһугар 65 сааһыгар диэри илиитин араарбакка
үлэлээбитэ. Кэлин сылларга кадровай булчутунан дуогабардаһан
государствоҕа күндү түүлээҕи бултаан туттаран былаанын толо-
роро, үчүгэй үлэтин иһин холобурга сылдьара, бириэмийэлэнэрэ.
Сэрии сылларыгар үчүгэй үлэтин иһин ССРС Верховнай Советын
Президиума 1946 сыллаахха «Үлэҕэ килбиэнин иһин» мэтээлинэн
наҕараадалаабыта.
Пестряковтар дьиэ кэргэн 7 оҕоломмуттара: 3 уол, 4 кыыс. 6-та
кэргэннэнэн ыал буолбута. Олортон 34 сиэн оҕо баар. Сут-кураан,
ас-таҥас суох кытаанах сылларыгар элбэх оҕону булдунан ииппитэ.
Кини тууну бэйэтэ өрөн балыкка туулуура, куобахха айалыыра,
сохсолуура, туһахтыыра, күндү түүлээххэ чааркаан иитэрэ. Онон
оҕолорун кыраларыттан үлэҕэ үөрэппитэ. Билигин бары аҕаларын
курдук үчүгэй үлэһит дьон буоллулар.
В.П.Пестряков эдэр сааһыттан олоҥхоһуттары олус сэргээн ис-
тэр уонна кинилэртэн үөрэнэн олоҥхолуур буолан барбыт. Хоноһолор
көрдөстөхтөрүнэ эбэтэр бэйэтин дьонноро, аймахтара муһуннахтарына
сарсыарда халлаан сырдыар диэри тохтоло суох сүрдээх үчүгэй, холку,
нарын куолаһынан айыы, абааһы уола бухатыырдары, Сорук боллур,
Кыыс Кыскыйдаан онтон да атыттар ырыаларын араастаан куолаһын
уларытан истээччилэри бэйэтигэр тардар гына олус кэрэхсэбиллээх-
тик ыллыыра үһү. Кини 50 сааһыгар диэри олоҥхолообут, онтон ыла
«тииһим түстэ уонна тыыным кылгаата», — диэн бырахпыт. Билигин
кини оҕолоруттан Пестрякова Феврония Васильевна кинини утумнаан
сахалыы тойугу үчүгэйдик ыллыыр, фестивалларга, ыһыаҕы аһыыга
активнайдык кыттар.
В П. Пестряков улахан кыыһа
Пестрякова Ульяна Васильевна кэпсээншптэн
Аммосов И. И. суруйуу та
1993 сыл

135