Page 62 - Олоҥхо биһигэр

1. Егоров Р.Я. Кыайыы былааҕа.
2. Сергей Васильев. «Үөлэн Хардааччы» Үөлэн Хардааччы Тиит
Дьиэрэҥкэйгэ харда ырыата.
3. Сергей Васильев. «Үөлэн Хардааччы» Үөлэн Хардааччы
Күндэлэй баай оҕонньортон көрдөһөр ырыата.
4. Сергей Зверев. «Үөлэн Хардааччы» Үөлэн Хардааччы бырас-
тыылаһар ырыата.
5. Сергей Зверев. Аҕа алгыһа. Тойук.
1.5.4. ЖИРКОВ ПЕТР АФАНАСЬЕВИЧ
( 1 9 3 0 - 1 9 9 4 )
Улууска биллэр ырыаһыт, хомусчут, олоҥхону толорооччу.
Ырыаны, олоҥхону, хомуһу пропагандалыыр уус-уран самодеятель­
ность кыттыылааҕа. Киниттэн үөрэнэн Петр Петрович Оготоев
республикаҕа, Союзка биллэр хомусчут буолбута.
Петр Афанасьевич нэһилиэгэр, улууһугар «Дьулуруйар Ньургун
Боотур» олоҥхону туруорууга Ньургун Боотур, Үрүҥ Уолан, Айыы
Умсуур оруолларын элбэх сыл устата ситиһиилээхтик толортообута.
1985 с. Дьокуускайдааҕы радио фондатыгар уһуллубута.
1946—1985 сс. колхозка, совхозка араас үлэҕэ уонна 28 сыл
механизаторынан үлэлээбитэ. 1956 сылтан олохтоох «Ленинскэй тэ-
рийээччи» («Мүрү саһарҕата») хаһыакка селькор. 1963 сылтан норуот
ырыаһыттарын кэккэтигэр киирбитэ.
П.А.Жирков Дьокуускайдааҕы араадьыйаҕа уһултарбыт тойук-
тара:
1. Саха народнай ырыата. «Манчаары Баһылай ырыата», 1970 с.
2. Жирков П.А. Уһун Күөл. Тойук.
3. Ойуунускай П.А. «Ньургун Боотур». Ньургун Боотур атын
ыҥырар ырыата.
4. Ойуунускай П.А. «Ньургун Боотур». Ньургун Боотур Аан
дойдутун кытта бырастыылаһар ырыата.
5. Жирков П.А. Айхаллан үлэ. Тойук.
6. Жирков П.А. Улуу Өктөөбү уруйдуубун. Тойук. 1985 с.
7. Жирков П.А. Бастыҥ суоппарга Иннокентий Даниловка ана-
нар. Тойук.
8. Жирков П.А. Улуу Кыайыыны уруйдуубун. Тойук.

1.5.5. НИКИФОРОВ ДМИТРИЙ ИВАНОВИЧ-
ЫРЫА МИИТЭРЭЙ
( 1 9 1 3 - 1 9 7 7 )
Дүпсүн улууһун Тэбиик нэһилиэгэр төрөөбүтэ. Ийэтэ Марфа
Тимофеевна киэҥ көҕүстээх, уһун тыыннаах, дьэҥкэ куоластаах,
тупсаҕай хоһоонноох ырыаһыт этэ. Кини былыргы саха үҥкүүтүн
ырыатын ыһыахтарга толороро, хас да былыргы олоҥхону билэрэ.
Дмитрий Иванович убайдара Сэмэн, Сэргэй, Киргиэлэй, быраата

58