Page 134 - Неизвестное название

Иһин түгэҕиттэн эҥирээттэ,
Айыы саҥатытган атын,
5490 Абааһы тойугуттан туспа
Ыар дьиппиэн
Ырыаны ыллаан,
Иҥсэлээх үлүгэрдик
Иҥиэтгэн таһаарда:
— Буойака, буойака!
Аар хара тыаларбыттан,
Аҥылҕан үрэхтэрбиттэн,
Аарыма байҕалларбыттан,
Адаар таас хайаларбыттан
5500 Аадар, даадар
Даары дапсыыр
Акыйа хаан аймахтарым
Кэлэ охсуҥ.
Таас дойдум
Дохсун дуулаҕата
Буор дойдум
. Буолунай бухатыыра
Мөҥүрүүр Бүө Хаан
Тойон убайым кэлэ oijyc,
5510 Күдэн дойдум көхсүттэн
Көрбөтөхпүн көрдүм,
Выдан дойдум быттыгыттан
Билбэтэхпин биллим,
Бултуу илик
Булбатах булпун бултаан,
Булан-талан кэллим.
Кэрэ кэһиибинэн
Кэрэхсэтиэм диэн,
Өлгөм булпунан
5520 Үөрдээри-көтүтээри,
Ыҥырталаан эрэбин.
Ыраах да буолларгыт
Суһаллык чугаһааҥ,
Дириҥ да буолларгыт
Тиэтэллик дагдайыҥ,
Буойака! — диэтэ.
Инньэ диирин кытта
Сирдиин титирэстээтэ,
Халлаанныын хабырытынна,
5530 Орто дойду

- 133 -