Page 132 - Неизвестное название

Айгыстан аарыгыран барбыт
Аҥаат-мэҥээт үрэХтэр
Ачанан аҥаарыйан,
Торҕонон сундааран,
Сибэккинэн симэнэн,
Сирэминэн чэлгийэн,
Чараҥныы чалааран,
Оттуун-мастыын көдөрен,
5410 Унаара долгуйан,
Оһуор ойуу охсуллан,
Дьэрэкээн ойуу дьэргэтэн,
Кэрдиис тыата киэркэйэн,
Кэгртэ этэн
Хоппото хайааран,
Күөрэгэйэ ыллаан
Куһа-хааһа хойдон,
Көтөрө-сүүрэрэ көччүйэн,
Чыычааҕа дьырылаан,
5420 Дьиэрэнэ дьиэрэйэн,
Сирэ-дайдыта чэлгийэн,
Эдьээн иэйэхситэ эргиллэн,
Дьөһөгөй айыыта дьүөрэлэһэн,
Ахтар айыыһыта аргыстаһан,
Айыы хаан аймахтара арыаллаһан,
Аламай маҥан күнүм
Аҥаарыйан тахсар
Алын сардаҥатын диэки
Анааттан - мэҥээттэ.н,
5430 Айгыстан барбыт.
Ачалаах-хочолоох үрэхтэр
Үөрбүт-көппүт курдук
Ү үт тураан
Үтүө дойдунан
Үтүөмсүһэн көстөллөр эбит.
Тустуулаах Дьуруо Бөҕө
Ол дойдулар
Улаҕа түгэх өртүлэрин
Одуулаан толкуйдуу
5440 Саныы турбута.
Бу аҕыс иилээх-саҕалаах,
Атааннаах-мөҥүөннээх
Аан ийэ дойду
Арааһынай да элбэх
- 131 -