Page 136 - Неизвестное название

Тула туран кэбистилэр,
Буор тумул сада
Буулада бухатыырдара,
Дуолан тойонноро
Сир түгэҕин диэкиттэн
Сиппэхтиин-сигирэхтиин,
5580 Чэҥнээх муустуун
Логлу ыстанан,
Түөрэ сүгүллэн,
Сигидис гына түстэ.
Муустаах буурҕанан
Буһугураччы тыынна.
Хаардаах саҕыанан
Сабыта уһуурда.
Илин диэки көрөн баран,
Иһин түгэҕиттэн
5590 Иҥсэлээх үлүгэрдик
Эҕирийэн эҥсилиппитигэр
Тэргэн этиҥ
Дэлбэритэ тэптэ.
Сааллар этиҥ
Хайыта саалынна,
Сааллар чадылдан
Таҥнары сатайдаата.
Илин дойду
Иҥиэтигэр сигсигиттэн
5600 Иҥнэстэр таһаатын диэкиттэн
Эһэлиин-бөрөлүүн,
Эл иэлиин-тураахтыын,
Көтөрд ү үн -сүүрэрдиин,
Сол оҥдолуун - кырынаастыын,
Хахханныын-суордуун,
Хабдьылыын-бочугурастыын,
М одьугулуун - мэ кчир гэлиин,
Куобахтыы н -улардыын,
Саһыллыын-саарбалыын,
5610 Тииҥниин-чубукулуун,
Тайахтыын-табалыын
Самыыр курдук
Саба сүүрэн кэлэннэр,
Хара тыа көстүбэт гына
Халыйан үөрдээн
Ханыылаһа түһэллэр эбит.
- 135 -