Page 139 - Неизвестное название

Убайын диэки уунна:
— Мөҥүрүүр* Бүө Хара,
Тойон убайым,
Күндү булпун көрдөрөн
Көнньүөрдээри гынным,
Сонун булуубун туттаран
Сонньутаары гынным.
5710 Ырбыыгын атытан
Ымайа күлэн
Ытыскын тоһуй эрэ,— диэтэ.
Инньэ диирин кытта
Убайа обургу дьаалы
Түбэ көлүйэ
Төгүрүмтэтин сада
Түүлээх баппадайын
Ньолбоччу тоһуйда.
Ытыһын үрдүгэр
5720 Ыытан кэбиһэрин кытта,
Тустуулаах Дьуруо Бөдө
Ийэтин кылыһын
Өрө туппутунан
Мөҥүрүүр Бүө Хаан
Ытыһын оҥхойугар
Уҥуор-маҥаар ойуолаан,
Тула сүүрэ сырытта.
Ириэнэх дьэдьэн курдук
Илдьи тутуох быһыылаах,
5730 Уулаах отон курдук
Дэлби охсуо буоллада
Дии санаан,
Куйахата күүрдэ,
Этэ саласта,
Иэнэ кэдэрийдэ,
Унуода хамсаата,
Уйулдата долгуйда.
Ол да буоллар
Куотар кыах суох,
5740 Тэскилиир сир мэлигир,
Тула урбачыйа сырытта.
Мөҥүрүүр Бүө Хаан обургу
Чугаһата-чугаһата
Тууспан курдугунан
Тобулу одуулаата,
- 138-