Page 129 - Неизвестное название

Хонноҕун диэки
Холбоһон-аргыстаһан,
Кудулуйа устан,
Кутуллан-симиллэн,
Куугунаһан түһэн
Барбыттар эбит.
Бу туустаах дьүккүүр
5280 Тумара байҕал тулалаах,
Аарыма баараҕай
Араат байдал таһаалаах,
Дэбилийэр эҥсиллэр
Дириҥ байҕал сикситтээх,
Уста долгуйар
Улуу байҕал улаҕалаах,
Тоҥмот итии
Толуу муора тулалаах,
Ирбэт тоҥноох,
5290 Муус кудулу муннуктаах,
Эбир таас эркиннээх,
Дьаҕыл таас дьайыҥнаах,
Ойор күн уотугар
Оһуордана оонньуур
Очуос таас оройдоох,
Taxcap күн сардаҥатыгар
Чаҕылыйа оонньуур
Тараҕай таас
Дьаҕыл элэмэх таһаалаах,
5300 Туналҕан маҥан күнүм
Туналыйар сырдыгар
Толбоннонор чочурдаах
Туруу-бараан дойдум
Суккулла сүүрэр,
Өрүкүйэ эҥсиллэр
Суоллара буолбут эбит.
Аҕыс иилээх-саҕалаах
Атааннаах-мөҥүөннээх
Аан ийэ дойдум
5310 Атын-атын
Аҥаат-мэҥээт
Аҥылҕан-мэгилгэн үрэхтэрэ
Айгыстан ахталыһар
Аартыктара буолбут эбит.
Сэтгэ биттэхтээх

- 128 -