Page 135 - Неизвестное название

О йуулаах-оһуорд аах
Ото-маһа
Тараах иэнин курдук
Таҥнары сыыйылынна.
Буор хайалар бурдачыстылар
Таас хайалар
Лаһыгырыы саалыннылар,
Лаҕырҕайдаһан бардылар.
Очуос таастар
5540 Оннуларьгттан уларыйан
Ойуоккалаһа түстүлэр.
Түмэн-бараан дойду
Түгэх өртүттэн
Уу долгунун курдук
Өрүтэ түллэҥнээтэ.
Алларааттан да тахсыбыттарын
Анааран көрбөтө,
Үөһэттэн да түспүттэрин
Өйдөөн бүдүүлээн билбэтэ.
5550 Хардаҥ эһэ
Түүтүн курдук түүлээх,
Хаардаах харыйа сада
Хараҕалаан хаалыктаах
Хайыр тааһа
Хаар хомурах курдук
Хайыта тыырар
Халыан үлүгэр
Хара килэдьи хайыһардаах,
Көмнөөхтөөх көҕүстээх,
5560 Сэмнэхтээх сарыннаах,
Дьаҥхалаах дьайыҥнаах,
Муустаах муруннаах,
Хаардаах дьабадьылаах
Аартыгы бүөлүүр
Агдайбыт сарыннаах,
Суолу бүөлүүр
Суодайбыт көрүҥнээх,
Туох да бэйэлээх
Дуолан бухатыырдар
5570 Тугуһан туруулаһан,
Тулуһуо суох курдук
Суоһар бөҕө дьоннор
Содотохто адаарыс гынан,
- 134 -