Page 18 - Неизвестное название

Санныларын хараҕар диэри даллаахтаһан,
Хоннохторун анныгар диэри хороҥноһон,
Өттүктэрин баһыгар диэри
Өрүтэ үөмэлэһэн,
Бу сир киэнэ
Киинэ буолан
420 Килэдийэн киэркэйбит,
Аан дойду
Араҥас далбара буолан
Аҥаарыйа чэлгийбит,
Орто дойду
Туналыйар ньуура буолан
Туйгуутаан тупсубут,
Долгуйа көҕөрбүт
Күн Тэгиэримэ эбэ хотун,
Эймэҥнэһэр иччилэригэр,
430 Төлөһүйбүт төрүөхтэригэр,
Торолуйбут дьонноругар
Ыар ыалдьыт буолан ырдалыйан,
Суо хоноһо буолан суотуйан,
Нүһэр үлүгэрдик
Түһүрүйэн тураммыт*,
Уйгу быйаҥнарын
Ортотунан буккуйан,
Ордорбокко куйуурдаан,
Илгэ быйаҥнарыттан
440 Испит дэдэйиэр диэри
Иһэн ЭҤСИЭХПИТ,
Араҕас илгэлэриттэн
Ь1рҕаччы тотуохпутугар диэри
Аһаан ахталыйан,
Иһиттээх ымдаан курдук
Иҥнэри үктүөхпүт,
Тордуйалаах уу курдук
Togo кэһиэхпит,
Айыы хаан аймахтарын
450 Араан тыа сада
Арыаллаһан үөскээбит,
Аймах-билэ дьоннорун
Аиарын хайа
Үүрэн киллэрэммит
Ада баһылыкпытыгар,
Арбадастаах тойоммутугар,
- 15 -