Page 21 - Неизвестное название

Аймахтарын ууһуттан
Абааһыларын адьырҕалара,
Көстүбэттэрин күтүрдэрэ,
Илиэһэйдэрин диэлимэрдэрэ
Иҥсэлэрэ көбөн,
Идэмирдэрэ бэргээн,
Оботторо улаатан
550 Уоҕуран-күүһүрэн тураннар,
Охсуһууга-оһолго туттар
Оботтоох чупчурҕаннаах
Уһун дапсыыр хара
Быһылааннаах батастарын,
Өргөстөөх үҥүүлэрин
Өрүтэ туппутунан
Охсуһуулаах - содуо мнаах,
Оһоллоох-ороскуоттаах,
Оһуу-тоһуу төбөлөөх
560 Очуостарын үрдүгэр
Олоодуһан тахсаннар,
Күн өркөн уустарын
Көй кииннэрэ,
Көмүс ордуулара буолбут
Күн Тэгиэримэ эбэ хотун
Быстыбат быйаҥыттан,
Уурайбат уйгутуттан,
Балысхан баайыттан
Иҥсэлээх-идэмирдээх,
570 Хамсыктаах-соллоҥноох
Хаадыйах хара
Кэлтэгэй хамыйахпытынан
Кубарыйа кууруор,
Хабырыйа хатыар,
Онойо уолуор диэри
Ордорбокко барытын
Оботтоохтук сомсуо,
Балгыччы баһыа этибит диэн,
Уоттаах тууспан харахтарынан
580 Одуулаан-олодуһан,
Үөрэн бараннар:
— Арт-татай оҕолоор!
Бу орто туруу
Дьоҕул дойдуга
Айыы хаан аймахтарын

- 18 -