Page 20 - Неизвестное название

500 Хампы тэпсиэ,
Үөннээх түптүйэ курдук
Үнтү үктүө,
Туос тордуйа курдук
Тоҕо кэһиэ,
Тыыннааҕын тыытымаҥ,
Салыҥнааҕын таарыйымаҥ, — диэн,
Быга-быга мэлийэн,
Өҥөйө-өҥөйө сүтэн,
Дагдайа-дагдайа тимирэн,
510 Түҥкэтэх үөдэннэригэр,
Түҥкүнүүр түгэхтэригэр
Төттөрү түҥкэлийэн,
Түлэс-балас сүүрэн,
Түҥкэр-таҥхар түһэн,
Сүтэн-иҥэн,
Сөнөн хаалаллар эбит.
Ол иһин
Аллараа дойду
Адьарайын адьырҕалара
520 Айыы дойдутугар
Адьас адалыйбат.
Күн сиригэр
Көҥүл күөдэлийбэт,
Көйүүр caga көбүөхтэспэт,
Хомурдуос caga хончоҥноспот,
KbiMHpflagac caga кыйбаҥнаспат
Букатын даҕаны
Быган көрбөт гына
Мэлийбиттэр эбит.
530 Аан холоруктаах,
Ала буурҕалаах,
Анысханнаах салгыннаах,
Алтан өҥнөөх
Аас курааһы тыаллаах,
Арҕаа халлаан
Алын сиксигин
Арыый бэтэрээ өттүгэр
Аймалаһан үөскээбит,
Алдьархайдаах садыамнаах,
540 Айыылаах андаҕардаах,
Аймааһыннаах олохтоох,
Айаҕымсах Часкыыр Хара

- 17 -