Page 175 - Неизвестное название

Аан саламата тардыҥ,
Курай уоту оттуҥ,
Куруин'а буһарыҥ,
Хомуһуҥҥа саллыҥ,
Бадьаанан баһыҥ,
Ыадаччы аһааҥ,
Ырҕаччы тотуҥ,
Сырхаан сыламнаан,
Сыналыйан сыһааҕырыҥ,
7260 Иһитгигит дуу, — диэтэ.
Иннъэ дйирин кытта
Алдьархайдаах аллараа дойду
Аймахтарын уустара
Аһыыллара даҕаны *
Айдааннаах-садыамнаах эбит.
Уруулара-ыһыахтара даҕаны
Оһоллоох-ороскуоттаах,
Охсуһуулаах-содуомнаах буолар эбит.
Ыһыахтарыгар сылдьыҥ диэн,
7270 Ыҥырталаан аҕалбыт ыалдьыттарын,
Урууга сылдьыҥ диэн,
Кучуйан аҕалбыт хоноһолорун,
Хороппутунан туруоран,
Куҥнарын-буутгарын
Килбэччи сулуйан,
Кирэн бардылар,
Туруорбутунан сылдьан,
Тоҕута-хайыта бысталаан,
Хаамтарбытынан сылдьан
7280 Хапггар куҥнарын
Хайыта-тырыта
Хадьырыйан истилэр,
Ыһыы-хаһыы,
Ый-хай,
Кырбаһыы-этгэһии,
Кылас-часкый,
Охсуһуу-содуом,
Уйдаан-хайдаан,
Онолҕон-сыналҕан,
7290 Уруу да уруу
Оргуйан-уһуутаан турда.
Ыһыах да ыһыах
Ыһыллан-ытыллан таҕыста.

- 174 -