Page 178 - Неизвестное название

7380 Хара-сото хапсыһан,
Сото-хары тутуһан,
Соҕотох бэйэҥ
Күөн көрсүһэн,
Күрэс былдьаһан,
Тутуһан-туруулаһан
Тутуһуом дии
Саныыр буоллаххына,
Бөҕөстөһөр гына
Бэргэн ох курдук бэлэмнэн,
7390 Умнаабыт оноҕос* курдук
Оҥоһун, — диэтилэр.
Хаптаҕай уллуҥахтаах
Сатаан булан
Таба тэбиммэт,
Үөл сүһүөхтээх
Сүһүөҕүн кыайан булбат,
Торҕон бөрө курдук
Ойуу-тоһуу
Оһоллоох-очуостаах
7400 Адьырҕа эһэ курдук
Адаардаах-адырхайдаах,
Алдьархайдаах арҕастаах,
Саталаах-чысхааннаах,
Сымара хара таас буолан,
Оһ олл оох-ор оскуоттаах
Очуостарын үрдүгэр
Ойутан таһаардылар.
Онуоха буоллаҕына
Оһоллоох-ойоҕостоох,
7410 Илбистээх-илиилээх,
Сытыы-кылаан тыҥырахтаах,
Хатан тарбахтаах,
Дорбогойдоох сутуллаах
Түлэкэй хара бухатыыры
Тустааччынан анаан,
Адьарай аймахтарыттан анаабыттар,
Көстүбэт биистэрэ
Күрүөлүү үмүөрүһэн,
Оһоллоох-очуостарын үрдүгэр
7420 Түһүлгэ бөҕөһө диэн
Толору куйахтаах
Туруорбуттар эбит.
- 177 -