Page 172 - Неизвестное название

Эй-мэй саҥа,
Иэхэй-чуохай ырыа,
Иирээн-кутураан тойуга
Эймэҥнэһэн иһэллэрэ
Элэҥнэһэн көһүннүлэр,
Аллараанан аймалаһан,
Үөһээнэн өрүкүһэн,
Илин-кэлин түсүһэн,
7130 Элиэ курдук элэҥнэһэн
Сат курдук сабдыҥнаһан,
Сири сиппийэн
Дайдыны сабардаан,
Саба сыстан кэлэн,
Сахсырҕа курдук
Дьаабыта биллибэт гына
Сааҕынаһа түстүлэр.
Хоту-соҕуруу өртүлэринэн
Күнэ-ыйа көстүбэт
7140 Күлүгүрэн барыйан турар
Күдэрик хараҥа дайдылар
Күҥкүйэлээх түгэхтэрин диэкиттэн
Кус-хаас тойуга,
Куба-мороду лахсыыра,
Уу-ньамаан саҥа,
Уйгуур-сэлээр тойук
Оноло биллибэт
Уйгууран иһилиннэ.
Ол-бу дойдулартан
7150 Урууга-ыһыахха сылдьаары,
Онохой-кулахай уҥуордарыттан,
Алахай-халахай аймахтарыттан,
Иҥсэ-мэнэгэй биистэриттэн,
Обот-чупчурҕан урдустарыттан,
Урут-хойут түсүһэн,
Улаат-халаат дайбаһан,
Үрүтүн үөһэ
Үөр күлүмэн курдук
Үөмэлэһэ түстүлэр,
7160 Абааһы аһаабытын
Билбэт гына
Адаарыһан кэллилэр.
Көстүбэт көстүбэтин
Көрсүбэт гына
- 171