Page 180 - Неизвестное название

Сотолорун-харыларын тоһутан,
Т о буктатан -сөһ үргэстэтэн}
Тобох-ибэх
Туһанар буоларбыт.
7470 Онон эбит буоллаҕына
Бу орто дойду уолун
Оһолго-төрүөккэ тэбэн,
Охторорбут буоллар
Оһоҕос-иһэҕэс тииһинэн
Ордук-хоһу түсүһэн,
Уоп-чаап гынан
Убайдаһыах этибит.
Атаххар адаҕа буолан кэтиллэн,
Уллуҥаххар оһол буолан халтарытан,
7480 Сүһүөххүн бакаайы буолан бүдүрүтэн,
Боҕотуннарарбыт буолуо.
Иэхэйбитин-чуохайбытын! —диэт,
Илэ-бодо эймэҥнэһэр,
Тута-бааччы чуубурҕаһан,
Часкыйа-часкыйа
Сабдыҥнаһар эбиттэр.
Тустуулаах Дьуруо Бөҕө
Толлон-куттанан,
Чугуйан турдаҕына,
7490 Киирсибэккэ кэҕиннэҕинэ,
Көстүбэт бөҕөлөр
Көҥүл күөмчүлүүһүлэр,
Адьарай бөҕөлөр
Аҥардастыы атаҕасталыыһылар,
Аатын-суолун
Түһэн биэрииһи.
Ол кэриэтэ
Уол оцо барахсан
Туохха төрөөбүтэй,
7500 Ат кулун
Туохха төрөөбүтэй,
Соҕотох да буоллар
Туруулаһан баран,
Охторум ордук буолсу дии санаата.
Олус абарда,
Кырдьык кыһыйда,
— Аанай абам
Туонай сүптэм эбит, — диэтэ.

- 179 -