Page 173 - Неизвестное название

Көрүлээн күүгүнэстилэр,
Абааһы бөҕө
Ахсаана биллибэт буолла,
Обот уруу-хаан чуоҕуйда,
Иҥсэ-мэнэгэй элбээбит.
7170 Аас-туор иччилэрэ буолбут
Астымматах-топпотох
Аҥаа моҕустар
Адалыһан кэлбиттэр.
Сут курааһын
Содула буолбут,
Туолбат-түксүлээбэт
Кудулу маҕалайдар
Күөдэлиһэн кэлбитгэр,
Айаҕымсах атамааттара,
7180 Сиэмэх диэлимэрдэрэ,
Аһара тутар адьынаттаах,
Хорҕото тутар кубулҕаттаах,
Уора тутар оботтоох,
Кистии тутар кэмэлдьилээх,
Саһыара тутар санаалаах
Ойдом оһолу оҥорор,
Быстах быһылааны түбэһиннэрэр,
Ахсым айдааны тардар
Адьарай атамааннара,
7190 Абааһ ы адьырҕалара
Алд ьатыахха - өлөр үөххэ,
Аһыахха-сиэххэ айылаах
Ардьаһан-ирдьэһэн түһэн,
Амырыын дьон
Ахсаана биллибэт гына,
Адаарыһ ан-быдаарыһан
Аймаласпыт эбиттэр.
Онно көрдөххө,
Өтөрүнэн өллөнүө суох,
7200 Соторунан тотуо суох,
Аччыгыйга астыммат,
Бэтэрээнэн мичийбэт,
Түксүлээн дуоһуйбат,
Дьүһүннээх-бодолоох дьон
Сөтөрүһэн-итириһэн,
Чолоҥноһон-илэҥнэһэн,
Суодаҥнаһан-бэриддьиһэн,
172 -