Page 258 - Неизвестное название

10820 Көнньүөрэ быһыытыйдылар,
Кыырыктаах илбистээх
Кырыылаах-уһуктаах сэптэрин
Хомуйа туттулар,
Кулур-халыр уктан,
Кылыр-халыр кыбынан,
Хоп-дьип оҥостон,
Куодалыһа түстүлэр,
Айыы бухатыырдара
Аттарын үрдүгэр
10830 Өксөкү кыыл курдук
Үөкэс гына олоро түстүлэр.
Абааһы уола Сатаҕа Бөҕө
Ала моҕой атын үрдүгэр
Адалыйан тахсан
Ахчаччы мииннэ,
Адаарыччы олорон кэбистэ.
Аҥардам абааһылара
Ааттаах дьон
Аттыларыгар кэлэн,
10840 Айаҕа хайдарынан
Алларастыы түстэ,
Соҕотох хараҕынан сулус курдук
Сойуодуччу көрдө,
Тобугун үрдүгэр
Доҕулдьуйа турда,
Такымын үрдүгэр
Такыһыйан таҕыста.
Үөрүү бөҕөнү
Үөрбүт киһи
10850 Өрүтэ уһуурбахтаан
Үөгүлүү турда:
— Буойака, буойака!
Күдэн дойду күүстээхтэрэ
Модун дойду бухатыырдара
Күүскүтүнэн күөмчүлээн,
Сутуруккутунан тойонноон,
Сэдимньи киһини
Тэпсэн тураҥҥыт,
Үтүөлээх киһини
10860 Үүрэн-үтүрүйэн бараҥҥыт
Нэлэмэн Куону
Сүгүннэрэн-бөҕүннэрэн
- 257 -