Page 262 - Неизвестное название

Соҕотохто суох буолан,
Суй-сай гынан хааллылар.
Сирдиин сэргэхсийдэ,
Дайдылыын намылыйда,
Халлаанныын сырдаата,
Оттуун-мастыын
Уу-чуумпу буолан
Унаара долгуйа түстэ.
11000 Күннэрэ күөрэйдэ,
Күөрэгэйдэрэ ыллаата,
Көхсүлэрэ кэҥээтэ,
Саспыттар-кирийбиттэр,
Куоппуттар-күрэммиттэр,
Көбө-саба хаамсан
Күө-дьаа кэпсэтэн,
Күлэ-үөрэ кэпсэтэн, көрсүһэн
Бука бары мустан,
Үөрэ-көтө
11010 Үмүөрүһэ түстүлэр.
Туох дойду
Туналыйар ньууругар,
Ким дойду киэркэйэр киинигэр,
Орто дойду унаарар урсунугар
Оннук бэйэлээх
Уурайбат уйгулаах,
Быстыбат быйаҥнаах,
Дьоллоох дьөһөгөйдөөх,
Ахтар айыыһыттаах,
11020 Аҕыс салаалаах
Аҥаарыйар - ну схайар
Ача күөх
Айыы сибиккитэ* оту
Биир сааллаах айаннаахтара,
Сыыдам сырыылаахтара,
Дьору тобуктаахтара,*
Дьороҕой илиилээхтэрэ,
Толору дьоллоохторо
Туура туттаран,
11030 Халты харбатан,
Урут куота кэлэн,
Сэттэ былас суһуохтаах
Нэлэмэн Куоҕа туттарбыт
Тэллэххэ сытар тэҥнээх,

- 261 -