Page 261 - Неизвестное название

Антах хайыһан
10950 Ардьах гынна,
Сөрүү туттан
Сүөдэс гынна,
Иҥиэттэн дайдыга
Иҥнэх гынна,
Уҥуоргу тыа диэки
Оччоччу таттарда,
Кылдьыры моонньун
Кыдьылгы сигилитэ
Кыҥнары тарта,
10960 Кэлтэкис-кэлтэкис
Кэннинэн тэйдэ,
Аҥардам-иҥэрдэм
Антах халбарыйда.
Хабараан этиҥ
Тыаһын курдук
Тыас бөҕө
Дэлбэритэ ыстанна.
Түөрт буулаҕа бухатыыр
Турбут сирдэриттэн *
10970 Тус соҕуруу диэки
Дохсун этиҥ курдук
Соҕотохто эмискэ
Тоҕо суодуйан
Ньирилээн түһэн бардылар.
Барбыт сирдэриттэн
Хайы-үйэҕэ хара күдэн
Оргуйан хаалла.
Халлаанныын хабырытынна,
Сирдиин титирэстээтэ,
10980 Уулун долгуһуйда,
Тыаллыын сатарыйда.
Ол курдук
Уулуун тыалыын
Омуннаахтык долгуһуйан баран,
Уҕарыйан-намырыйан
Оннугар түһэн
Уоскуйан барда.
Аҥардам абааһы
Барсыбыта да биллибэтэ,
10990 Хаалбыта да биллибэтэ,
Бары биирдэ мэлис
- 260 -