Page 253 - Неизвестное название
P. 253
Ыксаласпыт эбиттэр.
Суостаах хоноһолор
Түбэспит быһыылаахтар.
Ону көрөн баран,
Тоҥ харыйа саҕа
Томороон модьу торуоскалаах
Тойон Дьоҥсоруун Баай оҕонньор
Саманник диэн
Саҥа саҥара,
10700 Тыл кэпсии,
Өс тобула турбут
Хоһооно эгэлгэтэ
Саманник буолбута үһү:
— Дьиэ-буо, дьиэ-буо!
Туспа туойар дойдулар
Дьоһуннаах тойотторо,
Дуолан бухатыырдара
Тоҕуорустулар дуу диэбитим —
Чоҕулҕан мэник
10710 Оҕо курдук тутах өйдөөх
Дьон буоллугут дуу, нохолоор!
Атын-атын дойдулар
Аҕа баһылыктара,
Албан ааттаахтара
Аараатылар дуу диэбитим —
Таттык мэник
Оҕо курдук татым санаалаах
Дагдайбыккыт аанньа
Дал ай акаары,
10720 Көппөйбүккүт аанньа
Күдэн мэник
Күтүрдэр эбиккит.
Суол дойдуттан
Сөптөөххүтүн көрбөккө,
Тэгил дайдыттан
Тэҥнээххитин булбакка
Бу мин соҕотох
Уулдьаҕай эттээх,
Уйан унуохтаах,
10730 Уҥуоҕунан кыра,
Дьүһүнүнэн бүрэ,
Кыракый кыыс оҕобун
Былдьаһан-тарыһан бараары,
- 254 -
