Page 266 - Неизвестное название

Тоҕуурга иҥнибит
Токутар улар курдук
Толугуруу мөҕүстэ.
Хайҕаллаах хара быардара
Халыҥ агдакаларын иһигэр
Харалдьыкка иҥнибит
11170 Хара ул ар курдук
Халыгырыы хамсаата,
Аҕыс мүһэлэрэ
Айгыр босхо барда,
Атахтара сири билбэт буола
Уу испит сылгы курдук
Титирэстэһэ турдулар.
Тэҥнэһиэхтэрэ дуо?
Сэттэ былас суһуохтаах
Нэлэмэн Куону
11180 Сир сибэккитин курдук
Силигирэччи симээн,
Дойду чыычааҕын курдук
Наҕылыччы таҥыннаран,
Саһылга саһыаран,
Киискэ кистээн,
Аҕыс кыталык кыыс дьахтар
Арыалдьыт аргыстанан,
Тоҕус субай туруйа курдук
Уолан дьон [арыалдьыттанан]
11190 Тоҕус туллук кыылым
Тохтообокко-чугуйбакка
Дьурулуу сүүрэр,
Дьоруо атым
Таба тугунан ааспат
Дьулусханнаах дьуруо маҥан
Тусаһаларын ортотунан
Тойон баадай
Сэргэлэрин төрдүгэр
Тус соҕуруу диэки
11200 Тонолуппакка, энчирэппэккэ,
Супту одуулаһан турар гына,
Нусхаччы - күөрэччи
Туруоран кээстилэр.
Маннык бэйэлээх
Мааны мандардаах
Көмүс бэлэхпитин,
- 265 -