Page 264 - Неизвестное название

Сэһэн бөҕө дириҥээтэ,
Сылык сыана ыраатта,
11080 Түөрэх-төлкө үксээтэ,
Бараһыай-сэрээһин баһаамнаата.
Таабырын тааттарыы,
Киэҥ кэпсэтии,
Үгүс үһүйээн,
Элбэх эгэлгэ,
Иҥин араас
Омоон сурах,
Ураты хоһоон
Утум-ситим
11090 Устунан-кэхтинэн
Уһатан-кэҥэтэн,
Уһун номох оҥостон,
Уйгууран бардылар.
Омуна суох кэпсиэххэ,
Үс күннээх-түүнү быһа
Утуйбакка-олорбокко,
Өттүгэстээн сыппакка,
Оҕонньордуун-эмээхсинниин,
Оҕолуун-дьахтардыын,
11100 Уолаттардыын-кыргыттардыын
Үргүлдьү хаамсан,
Уу-һаа тыынан,
Уку-суку буолан,
Көм-саам
Иэки-сиэки буолбуттар.
Ол курдук сырыттахтарына,
Улуу халлаан уораһыйда,
Сир ийэ
Сиксигиттэн ньиргийдэ.
11110 Тоҕус хартыҕастаах дьулусханнаах
Дьулуо маҥан халлаан
Соҕуруу суккуллар
Тумарыктан улаҕатын диэкиттэн
Дьэрсээт былыт диэлийдэ,
Лоскуй былыт онолуйда,
Күдэрик көттө,
Күдэн өрүкүйдэ:
— Уо-дьэ!
Эр бэртэрэ,
11120 Элик үтүөлэрэ
- 263 -