Page 38 - Неизвестное название

Урукку уларыйбыт
Охсуһуулаах кэмнэргэ,
Курэхтээх куннэргэ,
Үлүскэннээх өлөрсүүгэ,
Өһөгөйдөөх өстөөхтөрүн кытта
Одун халлааны уорҕатынан
1280 Урбачытан аҕалан,
Охсуһуу гиэнэ
Улаханын охсуспут,
Уһун дуул аҕаан батастара*
Оботурбукка дылынан
Умсары дьүккүһэн
Унньулуһан тураллар эбит.
Садыамнаах күннэргэ
Дьаныардаахтык охсуспут
Саталаах былытьг чанчыгынан
1290 Талахаччытан аҕалан
Талааннаахтык дайбаспыт,
Саабылаан батастара
Ньаныардаспыкка дылынан
Таҥнары дапсыһан тураллар эбит.
Кини киһи
Охсуһууга, оһолго туттубут
Оботтоох отоохоонноро,
Өргөстөөх үҥүүлэрэ,
Кыырыктаах кылыстара,
1300 Сүлүһүннээх сүллүгэстэрэ,
Мэрилиир мээчиктэрэ,
Хатан биилээхтэрэ,
Халыр-кулур хамныы,
Кылыр-халыр кырбаһа
Лүһүр-лаһыр охсуһа турар
Сүлүһүннээх илбистээх
Сүдү хаан сэптэрэ
Сөгөдүһэн - игэдиһэн
Тураллар эбит.
1310 Ааспыт алдьархайдаах
Амырыыннаах дьылларга
Атын-атын дойдулар
Ааттаах адьырдаларын кытта
Арҕаһынан аалсыбыт,
Түгэх түҥкэтэх дойдулар
Сүдү бөҕөстөрүн кытта
- 35 -