Page 35 - Неизвестное название

Куһаҕаннара хотуулга көмүллэн,
Ыт да үрбэт,
Ынах да маҕыраабат гына
Ылы-чып саһан хаалбыттар.
Күн Тэгиэримэ эбэ хотун
1150 Күнэ көстүбэт
Күдэрик буурҕанан оргуйда,
Ыйа биллибэт
Ыыс-быдаанынан тыынна.
Күн-ый көстүбэт,
Күрүө-хаһаа көтүллэр,
Күүстээх сата
Часкыйа-часкыйа
Таҥнары сапсыйа турда.
Ол турдаҕына
1160 Уоллара солоҥдо
Тураҕас аттаах,
Тустуулаах, туруулаһыылаах
Дьуруо Беҕө
Эбэлээх ийэтин
Иннигэр киирэн туран.
Этэ-тыына турбут,
Эгэлгэтэ-хоһооно
Маннык буолта үһү:
— Дьиэ-буо, дьиэ-буо!
1170 Көстүбэтбөҕө
Күдэлийэн кэллэҕинэ,
Көй кииммитин,
Көмүс ордуубутун
Көҥүл үрэйтэриэхпит суоҕа,
Күөн көрсүһэн,
Күрэс былдьаһан,
Көрүө этибит.
Былыргы быһылааннаах дьылларга,
Урукку охсуһуулаах хонуктарга
1180 Кэтэ сылдьыбыт куйаххытын,
Тутта сылдьыбыт сэптэргитин
Көрдөрүҥ эрэ!
Туттар тутумаллаах күнэ буолла,
Кэтэр тиэтэллээх кэмэ кэллэ,
Буойака, — диэтэ.
Инньэ диирин кытта
Ийэлээх эбэтэ
- 32 -