Page 34 - Неизвестное название

Ол ааһар бөҕө албастаах,
Куотар бөҕө кубулҕаттаах
Көстүбэт гиэнэ
Күтүрдээҕин кытта
Күөн көрсүһэн,
Күрэс былдьаһан
Көмүскэһэр күүспүт,
Кыайар кыахпыт
1110 Суох буолуо.
Күлүк сирдэ булан
Күрэнэ охсуҥ.
Сибилигин аҕай, тиийэн кэлиэ,
Тэскилии тардыҥ, — диэтэ.
Инньэ диирин кытта
Тэтиэнэх өттүлэрэ
Сис хара тыаҕа
Тигинии сүүрэн
Тэбинэн хааллылар,
1120 Хорсун, хоһуун уолаттара
Куруҥ хара тыаҕа
Куотан тахсан,
Курайа сырсан
Уҥуох тосторунан ойдулар,
Сүрүн быстарынан сүүрдүлэр,
Буут быстарынан бардылар.
Бука бары
Киһилиин-сүөһүлүүн
Үрүө-түрүө көтөн,
1130 Арҕам-тарҕам баран,
Мэлис-таһыс гынан,
Күн Тэгиэримэ иһэ
Иччитэхсийэн-иһийэн,
Кыыллыын кыйданан,
Көтөрдүүн үрэллэн,
Кустуун хорҕойон,
Куоҕастыын умсан,
Балыктыын дьуоҕарда.
Мастыын барыйан,
1140 Күөллүүн күлүгүрэн,
Халлаанныын хараҥаран,
Сирдиин дьиэһийэн,
Мөкүлэрэ бөххө,
Сыылбалара сыыска,
- 31 -