Page 36 - Неизвестное название

Уолуйбут, соһуйбут курдук
Урбачыһа түстүлэр,
1190 Тиҥилэхтэрэ төгүрүйдэ,
Тэллэхтэрэ тэлээрдэ.
Тиэтэйэ-саарайа
Сиэлэн, хааман
Тибигирэһэ түстүлэр,
Уһун уораҕайдарын
Улаҕа өртүгэр
Аан алаһаларын
Анарааҥы таһаатыгар,
Кэтит ордууларын
1200 Кэкэ чуордарын
Кэтэх өртүгэр
Ойдом тумул саҕа
Ураадыйан көстөр
Өргөстөөх төбөлөөх
Ураһаларын таһыгар
Ойон тиийэннэр,
Кыыс Ньургун бухатыыр
Хахай кыылым
Харытын уҥуоҕун
1210 Хардарыта туппут курдук
Хатан болгуо хатааһыннарын
Халыр-кулур
Халыгыраччы аста,
Солуон кыылым
Сулугур сул
Сототун уҥуоҕун курдук
Томороон, модьу кулугуларын
Кулур-халыр субуйда.
Сэттэ тэтиэнэх киһи
1220 Сэгэтэн киирбэт,
Дьиппиэн хара халҕанын
Тэлэйэ баттаан биэрдэ.
Тустуулаах Дьуруо Бөҕө
Дьиэ иһигэр
Нөрүөннээх көхсүгэр диэри,
Нөрүс гына түстэ.
Дьиэ хабыллан турар
Хаба ортотугар
Түөрт кэбиһэ былас
1230 Түөллэр төгүрүмтэлээх,
- 33 -