Page 33 - Неизвестное название

Хомурахха көмүлүннэ.
1060 Эбэлэрэ кылааннаах өргөстөөх
Кыыс Ньургун бухйтыыр
Этэ саласта,
Иэнэ кэдэрийдэ,
Унуода хамсаата,
Уйулдата долгуйда.
Тэтиэнэх киһи
Нэһиилэ сэгэтэн киирэр
Дьиппиэн хара
Дьиэтин аанын
1070 Тэлэйэ баттаан,
Тэлгэһэтин ортотугар
Дьиэрбэс гына тура түстэ,
Харада уоттанна,
Хаана быһытынна,
Сирэйэ дьэбидийдэ,
Уоһа чорбойдо,
Уолуга томтойдо,
Утуу-субуу саҥара,
Убул-субул тыына турбут,
1080 Хоһооно эгэлгэтэ,
Маннык буолта үһү:
— Дьиэ-буо, дьиэ-буо!
Араан тыа курдук
Аймах-билэ дьонум
Этэр тылбын
Истэ сэргэдэлээҥ,
Бу туох дойду
Дьуладайын туура тэбэн,
Дохсун үлүгэрэ
1090 Турдадай диэтэххэ.
Алдьархайдаах садыамнаах
Аллараа дойду
Абааһытын адьырдата
Адалыйда быһыылаах.
Ол сиэри
Сирдэнэн иһэр
Тимир тиистээх
Дэриэтинньик буолуо,
Аһаары аһайан иһэр
1100 Амырыын алдьархай
Абааһыта буолуо.

-30-