Page 43 - Неизвестное название
P. 43
Тыас тыаһа
1490 Лүһүгүрүү түстэ,
Тустуулаах Дьуруо Бөҕө
Соҕотохто буурдаан
Тусаһа ортотугар тура түстэ.
Аллараа сир
Түгэҕин диэкиттэн
Арыы-ыарда курдук
Адаархай баттах
Арбас гынна,
Түҥкэтэх хоспох саҕа
1500 Төбө ньолос гынна,
Буор оһох курдук
Моой куоҕас гынна.
Адьарай бөҕө адьырҕата,
— Көстүбэт бөҕө күтүрдээҕэ
Онон-манан
Быгыахтыы оонньообуккун
Моонньоох баскын
Быһа охсон,
Сибилигин аҕай
1510 Лэкэрис гыннарыам, —
Дии санаата.
Били ийэтин
Кылааннаах биилээх
Кыырыктаах уһуктаах,
Кылыс батыйатынан
Кындыыс чаҕылҕан курдук
Кыһыырдан аҕалан,
Сытыы кылыһынан
Сырбаппыта буоллаҕына,
1520 Сыыһа дайбаан
Саталаах салгыҥҥа
Сааллар чаҕылҕан курдук
Сандаарыс гыннарда.
Абааһытын уола
Аллараа дайдыга
Сир түгэҕин диэки
Сиик-туман курдук
Ньылыс гынан хаалла.
Били гынарын кытта
1530 Күн Тэгиэримэ эбэ хотун
Хотугу диэки
-40 -
