Page 39 - Неизвестное название

Түөһүнэн үтүрүспүт
Хатан бөҕөстөрүн кытта
Халыҥ ойоҕоһунан
1320 Хатааннаахтык хабырыспыт,
Өһөгөйдөөх өстөөхтөрүн кытта
Өһүөннэһэн туран,
Үгүстүк үтүрүспүт,
Элбэхтик эриспит,
Кыһыылаахтык кыһарыспыт,
Хатааннаахтык хабырыспыт,
Амырыыннык аалсыбыт
Аарыма куйахтара,
Алтан аарыктара,
1330 Тимир тиһиликтэрэ,
Кутуу укулаат курбуһахтара,
Улуу-хаан куйахтара
Айгыраччы ыйанан
Аалыҥнаһа тураллар эбит.
Таҥныах диэтэххэ
Сатамньыта суох
Бөдөҥ таҥастар,
Хахыр-кукур
Хамсыы тураллар,
1340 Кэтиэх диэтэххэ
Кэмин таһынан
Киэҥ таҥастар
Күҥүнэччи охсуһан
Көҥкөһөн тураллар эбит.
Туттаары гыннахха
Солоҕой улахан батаетар
Дуксулуһан-дахсылаһан
Тураллар эбит.
Оннук сэптэри,
1350 Ол таҥастары
Оҕо киһи барахсан
Тутан көрүөн дьулайда,
Харбаан ылыан чаҕыйда.
Ол хаҥас күлүгүн диэки
Халбарыччы хааман иһэн
Хараҕын кырыытынан
Кынчас гынан көрбүтэ —
Түөрт кэбиһэ былас
Туоллар төгүрүмтэлээх
- 36 -