Page 44 - Неизвестное название

Баранар кутуругар,
Куртуйах улар кыылым
Кутуругун куорсунун
Холбуу туппут курдук,
Кунустанан көстөр
Кундаа сис тыатыттан,
Күөнтэһэн үтэн киирбит
Күтүр тайахтар
1540 Күрдьүөттэһэн туралларын курдук,
Күтүр маҕаас
Тумул үрдүгэр,
Күкүр таас хайа
Суулларын курдук,
Күтүрдээх үлүгэр тыас
Лүһүгүрүү түстэ.
Көрө түспүтэ —
Хаардаах харыйа сада
Хара бэкир абааһы уола
1550 Суодас гына
Тура түспүт эбит.
Дьэс алтан курдук
Сирэй мэлтэс гынна,
Хатааһын чолбонун курдук
Харах чаҕылыс гынна,
Алдьаммыт өтөх
Аанын курдук,
Айах дьаллас гынна,
Тимир барана курдук
1560 Тиис ардьас гынна,
Буордаах хоппо курдук
Ь1тыс нэлэс гынна,
Харалаабыт хатыыр курдук
Тыҥырах сарбас гынна,
Олунньу ый
Уон эргэтинээҕи
Ойбон хайыҥын курдук
Оллур-боллур уос
Орбос гынна,
1570 Сыма оҥкучадын сада
Сымаһах* дьэллэс гынна,
Сэттэ былас
Далан хамсык тыл
Туора-маары салбанна,
- 41 -