Page 48 - Неизвестное название

Хайа харбаттым,
Илиибин, атахпын
Эриэн үөн курдук
Эпсэри эрийдэ,
Сүлүһүннээх үөрбэ курдук
Дьөлүтэ тутта,
1710 Түүрэ харбаата,
Үрүҥ күнүм
Үгүрүө хараҕын саҕа
Өлбеөдүйэн көстүбэтэ,
Аан ийэ дайдым
Арылыас хара§ын саҕа
Арылыйан ааспата,
Имэрийэн биэбэйдээбит
Эбэм барахсан,
Кылааннаах өргөстөөх
1720 Кыыс Ньургун бухатыыр
Көмүс ньилбэккэр
Күөлэһитэн үҥкүрүппүт,
Көтөрол-сүгэи үөскэппит,
Күндү тапталлаах ийэм,
Т ылл аах- өстөөх
Чычыгыр чуоҕур аттаах,
Нарын Ньургустай,
Айбыт аҕам барахсан
Аһыныылаах-көмүскэллээх
1730 Алаатыыр Ала Туйгун,
Убайым тустуулаах Дьуруо Бөҕө
Быралыйар-куралыйар
Бырастыыкай буоллун!
Доҕордоһон ооннъообут
Субан туруйа уолаттарым,
Кыттыһан-сиэттиһэн үөскээбит
Кыталык кыргыттарым,
Арыаллаһан үөскээбит
Аймах-билэ дьоннорум,
1740 Быралыйар-куралыйар
Бырастыыкай буоллун!
Биир эмэ быһый атахтаах
Аллаах айаннаах
Айыы хаан аймахтарыгтан
Бу адьарай бөҕө адьырҕатын
Ириэнэх суолун ирдээн
- 45 -