Page 45 - Неизвестное название

Ыадаһынан холобурдаах
Ыылаах ыар сыт
Ыһыллан тары ста,
Холлоҕоһунан холобурдаах
Куордаах уодаһыннаах сыт
1580 Кутулла тустэ.
Ол гынан баран,
Били баҕайы
Ыллаан ыыра сытыйда,
Туойан тоҕо барда:
— Буойака, буойака!
Бу Күн Тэгиэримэ эбэ хотун,
Килэдийэр киинигэр
Күөдүлгэхтээн үөскээбит
Кылааннаах өргөстөөх
1590 Кыыс Ньургун бухатыыр
Кыыс оҕо төрөөҥҥүн,
Кыптыый-сүүтүк оннугар
Кылыс-батыйа тутаҥҥьтн,
Көстүбэт бөҕө күтүрдээхтэрин
Күөлүһүтэн ахан биэрбитиҥ.
Ол өһөгөйдөөх өһү ситиһээри,
Аллараа дайды
Аттаах адьырҕата,
Тимир Сигиди бухатыыр,
1600 Мин диэтэх киһи,
Албан ааккьгн ааттаан
Адалыйан тахсыбытым.
Ону баара эн диэтэх киһи
Сыһыыттан сылгылаатын,
Толоонтон туттун диэҥҥин,
Куттанан-дьулайан
Куотай-күрэнэн тиийэҥҥин
Одун халлаан улаҕатыгар,
Улуу тумара байҕалга
1610 Муннаран тиийбжкин,
Сыыһа тутан,
Халты харбаан кээспитим.
Онтон кыталык кыыл буолаҥҥын,
Кыырай халдааны кырсынан
Кыһыыра көтөн тиийэҥҥин.
Илин халлаан
Эҥсилгэннээх алын кырыытыгар
-42-