Page 49 - Неизвестное название

Эккирэтэн кэлэннэр,
Үрүҥ тыыммын
Өрүһүйүөхтэрэ дуо? — диэн,
1750 Ытаан-соҥоон,
Улуйан-тиэйэн бара турбут.
Итини истээт,
Тустуулаах Дьуруо Бөҕө
Туруйалаах толоонуттан
Торҕо күөхтээх хочотуттан
Тула эргичийэн
Солоҥдо тураҕас атын
Тутан таһааран,
Тойон баадай сэргэтигэр
1760 Чолоччу баайан кэбистэ,
Дьороҕойдук-иригэйдик тутунна,
Сулбу-харбы харбаата,
Сөрүү харбаая сөрүөлээтэ,
Бобо тутан ботолоото,
Кып-хап кычымнаата,
Саба тардан чаппараахтаата,
Б1га тардан ын’ыырдаата,
Хоп-дьип холуннаата,
Лип-лап дьиримнээтэ,
1770 Тутан-хабан сулардаата,
Көрүөх бэтэрээ өртүгэр
Көнтөстөөн-тэһииннээн,
Этиэх иннигэр
Ийэтин кылыһын туппутунан
Атын үрдүгэр
Далан өксөкү курдук
Дап гына олоро түстэ,
Били гынарын кыгта
Ийэлээх эбэтэ
1780 Иннигэр күөйэ туран,
Саманнык диэн
Саҥа саҥара
Турбуттар эбит:
— Дьиэ-буо, дьиэ-буо!
Былыттаах халлаанъга быктарбатах,
Самыырдаах күҥҥэ таһаарбатах,
Өксүеннээх күҥҥэ өҥөттөрбөтөх,
Күдэриктээх халлааҥҥа көрдөрбөтөх,
Күндү күөрэгэйбит оҕотун
— 46.—